Бидний тухай
Байгууллагын тухай
Виртуозо агентлаг нь Монгол улсад сонгодог хөгжимөөр суралцдаг (төгөлдөр хуур, утсан хөгжим, үлээвэр хөгжим, цохивор хөгжим, дуучин) сурагч, оюутан болон мэргэжлийн жүжигчид болохоор суралцах эрмэлзэлтэй залуучуудыг Америкийн нэгдсэн улсад Бакалавр, Магистр-н зэрэгт хөгжмийн болон жүжигчний мэргэжилээр сурлцахад нь зааварчилгаа, мэдээлэл өгч мөрөөдөлдөө хүрэхэд нь туслах гүүр нь болж өгөх зорилготой байгууллага юм. Америк улсад суралцах хүсэлтэй боловч хаанаас эхлэхээ мэдэхгүй, хэрхэн өөрт таарах сургууль, хүссэн программаа сонгож, хэрхэн шалгаруулалтанд бэлтгэхээ мэдэхгүй олон залучууд байдаг. Ялангуяа сонгодог хөгжмийн мэргэжил болон жүжигчний мэргэжилээр Америкийн их сургуулиудад элсэж ороход бусад мэргэжилүүдтэй харьцуулахад маш их олон шатны шалгаруулалт, бүрдүүлэх материалууд шаарддаг.
Манай агентлаг нь таныг хэрхэн өөрт таалагдсан сургуулиа хайж олох, хэрхэн тэр сургуульдаа бичиг баримт бүрдүүлэх болон, хэрхэн шалгаруулалтанд бэлтгэх гээд бүx алхам бүрт таньтай хамт байж зааж зөвлөх болно.
Таны хөгжмийн карьер эндээс эхэлнэ
Ажилчдын тухай
Манай баг
Уранчимэгийн Ану
Үүсгэн байгууллагч/Ерөнхий захирал
Уранчимэгийн Ану нь Монгол улсын консерваторийг 2012 онд мэргэжилийн төгөлдөр хуурын ангийг төгссөн. Тэрээр 2013 оноос хойш Америк улсад амьдарч байгаа бөгөөд нийт гурван их дээд сургуулиудыг төгсөж, мэргэжлийн төгөлдөр хуурын болон мэргэжлийн жүжигчний Бакалавр, мэргэжлийн төгөлдөр хуурын Магистр, мэргэжлийн төгөлдөр хуурч болон төгөлдөр хуурын багшийн Доктрант зэргүүдийг хамгаалсан. Тэрээр мөн 3 дээд сургуулиудад төгөлдөр хуурын профессороор ажиллаж байсан бөгөөд одоо өөрийн төгссөн Нью Иоркийн их сургуульд профессороор ажиллаж байна.
Уранчимэгийн Анударь
Гүйцэтгэх захирал
Уранчимэгийн Анударь нь Монгол улсын консерваторийн мэргэжлийн төгөдлөр хуурын ангийг 2010 онд төгссөн. Тэрээр 2014 онд Соёл Урлагийн Их Сургуулийг мэргэжлийн төгөлдөр хуурчын Баклавр зэрэгтэй төгссөн. Тэрээр 2014 оноос хойш Францын Парис хотноо амьдарч байгаа бөгөөд Магистрын зэргээ мэргэжлийн төгөлдөр хуурчын мэргэжилээр Парис хотын их сургуульд хамгаалсан. Одоо тэрээр төгөлдөр хуурын багшаар амжилттайгар ажиллаж байгаа бөгөөд сурагчид нь олон улсын тэмцээн, фестивальд удаа дараа амжилт гаргасан. Тэрээр өөрийн сурагчдыг их сургуулиудын элсэлтийн шалгаруулалтанд бэлтгэж байсан туршлагатай.